Source A :
extremum dei/ judicium - dans - M.-A. Charpentier - Meslanges - partition, ms autogr.
(sd), vol. IV, cahiers 30-31, f. 95v-109 - F-Pn/ Rés Vm1 259 [ 4]
Cote source :
F-Pn/ Rés Vm1 259 [ 4]
Code source :
H.401
Type de source :
originale
Notes sur la source :
Contient : - f.95v - intelligence du mottet/ suivant - La partie de Dieu ne chante
point dans le chorus/ deux trompettes effectives peuvent jouer la fanfare/ il y a
dessus hautes contres tailles et basses/ premieres et secondes un A veut dire les
premiers un B veut dire/ les secondes/ on peut doubler tout cela dans les chorus -
f.96 - [titre] - praeludium - f.96-97 - [récit de] Dieu [:] Audite coeli - f.97
- suivez a/ l'aire - f.97-99v - chorus hominum [:] O pavor - f.99v - apres un grand
silence/ on joüe ce bruit de/ trompettes - f.99v-100 - [duo] Angeli [:] Adeste
omnes gentes - f.100 - joüez sans interruption/ le bruit de trompettes/ comme
cy devant - apres le bruit de/ trompettes faites/ une petite pause - apres une petite
pause/ - f.100-101 - [choeur des] homines [:] et factus est - f.101-102v - [récit
de Dieu] Venite benedicti - f.102v-106 - chorus/ Damnatorum [:] O justa electi - f.106
- post silentium magnum - f.106-106v - [duo] Angeli [:] Vos autem - f.106v-109 - chorus
electorum [:] Hymnum dicamus Dominus - f.109 - fin - la basse continue a 502 mesures/
et lemottet encontant la simphonie/ des trompettes a 518 mesures
Description de la source :
Deus : - Audite caeli, quae loquor, audiat terra verba oris mei. Ab alto prospexi
super filios hominum ut viderem si esset intelligens aut requirens Deum. Et non fuit
qui faceret bonum, non fuit usque ad unum. - Generatio prava atque perversa, - haeccine
reddis Domino tuo ? Popule stulte et insipiens, haeccine reddis Deo tuo ? Numquid
non ipse sum pater tuus, qui possedit te, qui fecit et creavit te ? - Tu vero recessisti
a mandatis meis et derelinquisti me ; jam ascendit ad me iniquitas tua et malitia
tua completa est. Ideo - accensus est ignis in furore meo, qui terram devorabit cum
germine suo, fundamenta montium comburet et ardebit usque ad inferni novissima.
Chorus hominum : - O, O pavor ! O, O tremor ! O portentum ! De coelo tonante stellae
sicut sulphuis et fulmina labuntur ; iratum mare procellosis et sanguineis fluctibus
telluris commotae tentat naufragium. Solis splendor obscuratur, et luna non dat lumen
suum. In excelso coruscat signum crucis terribile. Festinat tempus ultionis ; dies
instar perditionis. Fugiamus, - fugiamus ! Quo fugiamus ? Ad antra ! Ubi securitas
? Ad urbes ! Ubi refugium ? Ad insulas ! Heu, heu ! Antra fugiunt, urbes et insulae
moventur de loco suo. Undique torrentes iniquitatis, funes inferni, et laquei mortis
praveniunt nos.
Angeli : - Adeste, omnes gentes, omnes tribus, et omnes populi ; adeste et congregamini
; et vos mortui qui jacetis in sepulchris, surgite et occurrite ad judicium salvatoris.
Homines [historicus] : - Et factus est subito sonus infinitae multitudinis tamquam
vox aquarum multarum. Ecce ossa accedunt ad ossa unum quodque ad juncturam suam, cum
pellibus nervis et carnibus suis, quae ingresso in ea spiritu revivunt. - Atque in
ictu oculi, in momento, in sono tubae, coram justo ac potenti judice congregantur.
Qui sedens cum potestate magna ac tremenda majestate libris apertis et cordium arcanis
patentibus unicuique tribuens secundum opera sua sic fatur.
[Deus] : - Venite, benedicti ; venite, electi mei, amici mei. Venite, congaudete et
regnate mecum in aeternum. - Esurivi enim, et dedisti mihi manducare ; sitivi enim,
et dedistis enim bibere ; hospes eram, et collegistis me : - nudus eram, et operuistis
me : infirmus, et visitastis me ; in carcere, et venistis ad me. - Venite, benedicti
; venite, electi mei, amici mei. Venite, congaudete et regnate mecum in aeternum.
- Et vos maledicti peccatores, iniquitatis et daemorum cultores, - discedite a me
; - iste ad flammas voraces, - ad ignem aeternum paratum diabolo et angelis eius.
- Esurivi enim, nec dedistis mihi manducare ; sitivi enim, nec dedistis mihi bibere
; - hospes eram, nec collegistis me ; nudus eram, nec operuistis me ; infirmus, nec
visitatis me ; in carcere, nec venistis ad me. - Maledictis peccatores, iniquitatis
et daemorum cultores, - discedite a me ; iste ad flammas voraces, - ad ignem aeternum
paratum diabolo et angelis eius.
Chorus damnatorum : - O justa punitio ! O aeterna maledictio ! O nunquam cessatura
desperatio ! Cadite montes, cadite super nos ; et rupes obruite nos. Heu ! quo fugiamus
ab ira tua, Domine ? Quae spelunca nos sepeliet, quae abyssus nos deglutiet, quo fugiamus
ab ira tua, Domine ? - O justa punitio ! O aeterna maledictio ! O nunquam cessatura
desperatio ! Cadite montes, cadite super nos ; et rupes obruite nos. Si ascenderimus
in coelum, tu illic es ; si descenderimus in infernum, ades. Ah ! melius erat nobis
si nati non fuissemus ! Cadite montes, cadite super nos ; et rupes obruite nos.
Angeli : - Vos autem electi, vos benedicti, sancti et justi, hymnum cantate Deo nostro
; laudate et superexaltate eum in saecula.
Chorus electorum : - Hymnum dicamus Domno nostro, cujus recta sunt judicia. Cantemus
canticum Deo nostro, jubilantes in laetitia. Hymnum dicamus Domino nostro, cujus recta
sunt judicia. Laudamus et superexaltemus eum in saecula. Cantemus canticum Deo nostro,
jubilantes in laetitia. - Jam enim non sumus hospites et advenae sed sanctorum cives
et domestici Dei qui cum eo regnabimus in coeli gloria, ubi erit secura tranquillitas,
ubi erit felix aeternitas et aeterna felicitas.
