Cote source :
F-Pn/ Yc 3936
Code source :
DDa.038
Type de source :
originale
Description de la source :
Laeta sileant organa, - Luctum resonet cythara, - Dum planctu & dolore : - Dum
fletu & maerore - Redolent funera.
O dura sors ! - O caeca Mors !
Plange, luge GALLIA, - Plorate Principes : - Lugete Nobiles, - Plorate Reginam cunctis
dilectissimam, - Desiderata millies.
Cessate lusus, joci & choreae, - Silete cantus, cessate gaudia : - Silete melos
& vox laetitiae, - Cessate, silete, silete.
Luge, plange HISPANIA, - Perdidisti per hanc necem - Regni tui claram lucem, - Summum
decus, faustum omen : - Luge, funde lacrymas, - Plange, luge HISPANIA.
Tu Viator qui moraris, - Qui stupes & admiraris, - Ora flexis genibus, - Suspira
cum gementibus : - Lacrymare cum facibus, - Quae malunt non lucere - Quam non lugere.
Jacet, heu ! jacet. - O dolor ! - O stupor ! - Mens labat, vox haeret mediis interclusa
faucibus.
Jacet THERESIA - Reginae, Amor GALLIAE, - Laus & honor HISPANIAE : - Quae velut
splendor Pietatis - Sedens in Throno Majestatis - Nomen fecit mirabile ; - Regni fuit
ornamentum, - Princeps & Aula Virtutum, - Cui nil fulsit simile - Haec Mulier
de fortibus - Cunctis decora dotibus, - Qualem requirit Sapiens, - Sorte sua inter
omnes clarior una fuit. - Sponsa digna tanto Rege, - Quo sub Sole nullus major, -
Nec celsior paruit.
Sub hac Principe Virtutum - MARIAE THERESIA, - Per Pietatis exemplum - Aula luxit
Regia.
In Regali Majestate, - In suprema potestate - Lumen fuit Reginarum, - Vitae innocentia,
- Quae nec moritura erat, - Si Mors non esset impia.
O Jesu clementissime, - Rex Regum potentissime, - Da lauream Beatorum, - Et Coronam
gloriae - In splendoribus Sanctorum - REGINAE THERESIAE.
PORTES verba contexuit - DANIELIS melos addidit. - 1683.
