Cote source :
F-Pn/ Yc 3935
Code source :
DDa.025
Type de source :
originale
Description de la source :
Exultet Caelum laudibus, - Et Orbis cum laetitia - Exaltet piis cantibus - AUGUSTINI
praeconia.
Quis est iste vir tam magnus, - Tam sublimi laude dignus, - De cujus festiva solemnitate
- Caeli & Terrae resonant gaudia.
Hic est quem implevit Dominus Spiritu - Sapientiae & Intellectus, - Cujus sanctitatis
gloria universa fulget - Ecclesia.
Verbo, vita illustravit & scriptis Ecclesiam ; - Haereseos impugnavit pravitatem
impiam, - Et viam Caeli monstravit per Christi scientiam.
Hic est qui altae mentis dotibus, - Et Doctrinae splendoribus, - Per labores, per
sudores Caelum sibi comparavit - indomitis viribus.
O Praesul illustrissime Doctorum lumen, - decus Ecclesiae, - Ille satis non te laudat
qui te vocat Augustinum, - Sed verius te praedicat, qui dicit Augustissimum.
Per te enim divae Legis stat expositio. - Per te salutis floret Religio : - Per te
secreta Dei, & gratiae Mysteria - Clara patent & aperta.
Tu es Pastor fidelis, gratiae Doctor sublimis, - qui flores in domo Domini sicut palma
- in Cades : & tanquam cedrus Libani. - Sapor tuus condit mores, - Fructus tuus
alit mentes, - Tuus odor implet montes, - Et Caelorum culmina.
Ille satis non te laudat qui te vocat Augustinum, - Sed verius te praedicat, qui dicit
Augustissimum.
Ad honorem Augustini resonet laetitia, - Festum ejus pio cultu celebret Ecclesia :
- Dum triumphat coronatus in caelesti gloria.
PORTES verba contexuit, - DANIELIS melos addidit.
